Алаш үні

Қуандық Шамахайұлы шын мәнінде кім?

  • Қуандық Шамахайұлы шын мәнінде кім?

    Қуандық Шамахайұлы шын мәнінде кім?

Қуандық Шамахайұлы – Моңғолияда туып, өскен, Ұланбатырда Моңғолия мемлекеттік университетінде журналистік жоғары білім алған жазушы. 1983 жылдан бастап әдеби ортаға көркем аударма арқылы келген жазушы кейін ғылыми-зерттеу жұмыспен айналыса жүріп, прозаға бет бұрды. шығармаларын қазақ және моңғол тілдерінде жазады.

1993 жылы Моңғолия жазушылар одағына мүшелікке өткеннен кейін тарихи Отаны Қазақстанға көшіп келіп, қоныстанған. Елдегі бірнеше жетекші университеттерде дәріс берді, Астанадағы газет-журналдарда бас редактор болды. Оның қаламынан туған сатиралық шығармалар мен лирикалық әңгімелер қазақ оқырмандарынан қызу қолдау тауып келеді. АҚШ, Жапония, Колумбия, Канада, Швейцария, Қытай, Ресей, Моңғолия жазушыларының таңдаулы шығармаларын қазақ тіліне аударды. Альфрейд Нобель атындағы әдебиет сыйлығын әр жылдарда алған жазушылардың таңдаулы әңгімелерінен де арнайы аударып, әдеби басылымдар мен порталдар арқылы оқырманға ұсынды. Мемлекеттік тапсырыс бойынша «Менің сатып алған күйеуім» деген атпен жеке жинақ етіп жарыққа шығарды. Орыс жазушысы Василий Шукшиннің «Көңілжай» повесін қазақ тіліне аударып, «Алтын көпір» халықаралық конкурсында жеңімпаз болды. Өзі туып өскен, етене араласқан Монғолияның жаңа заман көркем әдебиеті көрнекті өкілдерінің отызға тарта әңгіме, повестерін қазақ тіліне аударып, «Найзағайлы жылдар жаңғырығы» деген атаумен ҚР Мәдениет және спорт министрлігінің қолдауымен жарыққа шығарды. Автордың өз қаламынан туған таңдаулы прозалық көркем шығармаларының жинағы «Шөлейт жақта» деген атаумен топтастырылып, басылып шықты. Қуандық Шамахайұлының «Таскене», «Сексеуіл бүршік жарғанда» романдарымен қатар «Кішкентай адам», «Сағым жыл» секілді көптеген әңгіме, хиқаяттары оқырмандар тарапынан жоғары бағаланып отыр. Жазушы Қ. Шамахайұлы – ҚР мәдениет қайраткері, Ақпарат ісінің үздігі, Қазақстан журналистер одағы сыйлығының лауреаты. Сондай-ақ, филология ғылымдарының кандидаты, әдебиеттану ғылымы бойынша қауымдық профессор. Автор әдеби-көркем ой-толғамдарымен қатар қазіргі қазақ қоғамының өзекті мәселелерін көтерген публицистикалық туындыларының таңдаулыларын ғана іріктеп, «Қаламгердің ізі қағазда қалады» деген жинаққа топтастырып, оқырманға ұсынған. Күллі қазаққа танылған жазушы, журналист күні бүгін өмірден өтті. 




Көрілген: 2949    Пікірлер: 0

сейсенбі, 30.06.2020, 01:41

Достарыңмен бөліс:

  • СОҢҒЫ ЖАРИЯЛАНЫМДАР:
    22 Қыркүйек, 15:31
    Қалай жазғанымыз дұрыс?..
    21 Қыркүйек, 10:27
    Ол махаббат əні еді!
    11 Қыркүйек, 08:53
    Ташкентте болған той
    7 Қыркүйек, 10:27
    Қазақтың қайсар Қасымы
    24 Тамыз, 15:32
    Атасының баласы...
    25 Шілде, 11:21
    Алтын кілт
    10 Шілде, 15:16
    Әуезов Америкада
    30 Маусым, 10:29
    Ұлы империя мұрагері
    17 Маусым, 16:39
    Абайдың атын қимайды
    15 Маусым, 12:32
    Әлем таныған Абай
    12 Маусым, 16:35
    Абай және Бауыржан
    8 Маусым, 14:21
    Абай және Мұстафин

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30