Қылмыс

Ақтөбеде 2 жиһадшы әкімдіктің жүз қызметкерін өлтіруді жоспарлаған

  • © AFP 2019 / Sebastian Kahnert / POOL

    © AFP 2019 / Sebastian Kahnert / POOL

Ақтөбе мамандандырылған ауданаралық соты өзге діндегілерге қарсы қарулы жиһад жасауға үгіттеген қала тұрғындарына үкім шығарды. Жанасыл Жұбатов 15 жылға, Әлібек Әлиев 13 жылға бас бостандығынан айырылды.


Жұбатов пен Әлиев радикалды діни ағымды ұстанып, ДАИШ идеологиясын қолдаған, деп есептейді тергеушілер. Таныстарына өзге діндегілерге қарсы теракт жасауды насихаттайтын видеороликтерді көрсеткен. Жұбатов "Паллада" дүкеніне барып, өзіне таныс сатушыдан Макаров тапаншасының оғы мен 16-шы калибрлі аңшы мылтығын сатуды сұраған.


Қылмыстық іс материалында олар әкімдіктің 100 қызметкерін қала сыртына алып шығып, өлтіргісі келгені айтылады. Ойындағысын іске асыру үшін Жұбатов танысына әкімдікке жұмысқа тұрып, қызметкерлер жұмысқа қашан келіп, қашан кететінін хабарлап отыруды ұсынған. Сондай-ақ олар экстремизм туралы істі қараған судьяны өлтіріп, оның ақшасын ДАИШ террористеріне қосылу үшін жолға жұмсауды жоспарлап қойған.


Жұбатов пен Әлиев өзге діндегілерге қарсы қарулы жиһад жасауға үгіттеген. Отарда әскери борышын өтеген бір танысынан 3 миллион теңгеге автомат, гранатомет және өзге де қаруларды сатып алуға көмектесуін сұраған. Жарылғыш құрылғы жасап, ҰҚКД ғимаратын жарып жіберу айыпталушылардың жоспарында болған.


Сотта екеуі де терроризмді насихаттап, ұлт араздығын қоздырғанын, лаңкестік топты ұйымдастырып, қатысқанын мойындамады, деп жазды "Диапазон".


"Үйден қорап алып шықты, онда болттар, гайкалар, тістеуік, силикон, дәнекерлеу майы, сым болды. Кез келген еркек балконда құрал-сайман ұстайды, үйде жөндеу жұмыстарын жүргіздім. Ал маған жарылғыш құрылғының компоненттерін сақтады деген айып тақты", - деді сотта Әлиев.


Үкім шығарылғаннан кейін сотталғандардың аналары журналистерге ұлдарына қысым жасап, ұрып-соғып, істі қолдан жасағанын мәлімдеді.


"Әкімдіктің 100 қызметкерін қала сыртына алып шықпақшы болған деп айыптады. Оған екеуінің шамасы келе ме? Мұндай іске бүтін бір әскер, ақша керек. Егер мойындамасаң, әйеліңді 5 жылға түрмеге отырғызып, балаларыңды балалар үйіне жібереді деп айтқан. Ұлым қол қоюға берген қағазын тіпті оқымадым да дейді. Оның еш кінәсі жоқ, үкімге шағымданамыз", - дейді Әлібек Әлиевтің анасы.


Sputnik


 




Көрілген: 454    Пікірлер: 0

дүйсенбі, 15.07.2019, 23:27

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31