Қылмыс

Алматыда үйіне келген әйел жатын бөлмеде балтамен жүрген қаскөйдің үстінен түсед

  • Алматыда үйіне келген әйел жатын бөлмеде балтамен жүрген қаскөйдің үстінен түсед

    Алматыда үйіне келген әйел жатын бөлмеде балтамен жүрген қаскөйдің үстінен түсед

Алматы полициясы әйелге балтамен шабуыл жасаған ер адамды Түрксіб ауданындағы жеке секторда жүрген жерінен ұстады.


Белгілі болғандай, ерлі-зайыпты серуеннен үйге қайтып келе жатады. Отағасы әйелі мен ұлын үйдің қақпасына дейін әкеліп тастап, өзі жұмысқа кеткен. Әйел қақпаны жауып, баласымен бірге үйге кірсе, тоңазытқыштың есігі ашық, асханада заттар шашылып жатыр.


Жатын бөлмеге барған келіншек шкафтарды асығыс ақтарып жүрген белгісіз ер адамды көреді. Қорқып қаша жөнелген оның соңынан қаскөй балтамен қуады. Сүрініп кетіп құлаған әйелдің басынан балтаның жүзімен екі рет ұрып, белгісіз бағытта ізін суытады.

Шошып қалған әйел кішкентай баласын тауып алып, үлкен ұлына хабарласып, болған жағдайды әкесіне айтуды сұрайды. Он минуттың ішінде үйіне жеткен күйеуі полиция шақырады.


"Құқық қорғау органдарының қызметкерлері санаулы минуттарда көмекке келіп, қылмыскерді іздеуге кіріседі. Бірнеше сағаттан кейін ол ұсталды", - деп хабарлады Алматы қаласы полиция департаментінің баспасөз қызметі.


Күдікті үйден 100 мың теңгенің бағалы заттарын алған. Оның бұған дейін сотталған 27 жастағы еш жерде жұмыс істемейтін азамат екені анықталды.


Қазіргі уақытта қылмыстық кодекстің 192-бабы 2-бөлімі "Қарақшылық" бойынша сотқа дейінгі тергеу жүргізіліп жатыр. Егер күдіктінің кінәсі дәлелденсе, ол 5 жылдан 10 жылға дейін сотталып, мүлкі тәркіленеді.


sputniknews.kz




Көрілген: 920    Пікірлер: 0

сенбі, 03.08.2019, 22:52

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31