Қылмыс

Балалардың ұялы телефондарын ұрлады деген күдікпен елорда тұрғыны ұсталды

  • © ҚазАқпарат

    © ҚазАқпарат

Нұр-Сұлтан полициясы балалардың ұялы телефондарын ұрлаумен айналысып жұрген елорда тұрғынын ұстады, деп хабарлайды ҚазАқпарат қалалық Полиция департаментіне сілтеме жасап.


«Бұрын сотталған елорда тұрғыны балалардан ұялы телефондарды ұрлаумен айналысқан. Күндізгі уақытта ол үйлердің ауласында жүріп, ұялы телефондарын қараусыз қалдырған балалардың аңғалдығын пайдаланып, ұрлық жасаған. Жедел-іздестіру іс-шаралары барысында күдікті балалардан телефон ұрлап жатқан кезінде ұсталды. Қазіргі уақытта ол 2 ұрлықты жасағанын мойындады», - делінген хабарламада.


Департаменттің дерегіне сүйенсек, бүгінде оның басқа да қылмыстарға қатыстылығы тексерілуде.


Осы тұрғыда елордалық полиция қызметі аталған тұлғаның заңсыз әрекетінен зардап шеккен азаматтарды Бейбітшілік көшесі 19 мекенжайында орналасқан Нұр-Сұлтан қаласы Полиция департаментіне жүгінулерін немесе 8 (7172) 71-60-24, 71-60-69 не болмаса «102» телефон номері бойынша хабарласуларын сұрайды.


Сондай-ақ астаналық тәртіп сақшылары қаладағы 250 спорттық нысанға, оның ішінде футбол, баскетбол алаңдарын, сондай-ақ оқу мекемелерінің аумағындағы алаңдарды аралап, рейд жүргізді.


«Аралау барысында түсіндірме жұмыстары жүргізіліп, жеке және сеніп тапсырылған мүлікке мұқият болу туралы ақпараттық жадынамалар таратылды. Бұған қоса ойын және футбол алаңдарында жүрген кәмелетке толмағандарға велосипедтерін, самокаттарын және басқа да мүліктерін қараусыз қалдырмау туралы ескертілді», - деп мәлімделген таратылған ақпаратта.


Одан бөлек, полиция инспекторлары ата-аналармен және үйлердің тұрғындарын қоғамдық тәртіпті бұзбауға шақыра отырып, түнгі уақытта тыныштықты бұзғаны үшін әкімшілік жауапкершіліктің қарастырылатыны жөнінде түсіндірме жұмыстарын жүргізді.


 




Көрілген: 482    Пікірлер: 0

сәрсенбі, 26.06.2019, 10:35

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31