Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Оралда әйелдерді тонаумен айналысқан қарақшы ұсталды

04 сәуір 2019, 09:25

Орал қаласында әйелдерді тонаған қарақшы ұсталды, деп хабарлайды ҚазАқпарат тілшісі.

Орал қаласы полиция басқармасының баспасөз қызметінен түскен мәліметке қарағанда, 1971 жылғы тұрғын өткен наурыз айында төрт рет осындай қылмыс жасаған.

Отбасын құрмаған, еш жерде жұмыс жасамайтын А. есімді тұрғын Еуразия даңғылы, Құрманғазы және Исаев көшелері бойында қараңғы уақытта жалғыз өзі кетіп бара жатқан қыз-келіншек, әйелдерге шабуыл жасап, қолындағы сөмке, әмиян, ақша, ұялы телефондарын тартып алып отырған.

Кейбіреулерін үй кіреберістері алдында күтіп тұрып, артынан ілесіп, ұрып-соғып, қолындағы барын тартып алған.

Олардан 6 мыңнан 50 мыңға дейінгі ақшаларын, алтын бұйымдарын жымқырған.

Тәртіп сақшылары күдіктіні кезекті тонау барысында қолға түсірді. Оның бұған дейін де қарақшылық шабуыл мен тонауға қатысты заң алдында жауапталғаны анықталды.

Қазіргі кезде 4 эпизод бойынша қылмыстық іс қозғалып, тергеу амалдары жүргізілуде.