Құттықтау!

Құрметті «Алаш айнасы» газетінің ұжымы!

Сіздерді басылымның ме­­рейтойлық 1000-шы са­ны­­ның жарыққа шығуымен құттық­таймын.
«Алаш айнасы» газеті ал­ғаш­қы санынан бастап-ақ ақ­парат айдынында соны сүрлеу салып, мемлекеттік саясатты, ел өмірінде болып жатқан түрлі оқиғаларды бұқара халыққа жет­кізуде жаңашылдықа толы тың ізденістерімен ерекшеленді.
Жедел әрі дәйекті, мазмұны бай ақпараттық-сарап­та­­малық, танымдық дүниелерімен тез танылған ақ­парат құралы ретінде  газеттің  Тәуелсіздікті тұғырлы ету­ге де атсалысқаны айқын.
 Қалың оқырманның үдесінен шығуды мақсат еткен ұжымның қаламы ұшқыр, ойы жүйрік болсын деп тілеймін.
Қазақстан Республикасы Парламенті Сенатының төрағасы Қайрат МӘМИ

Құрметті Серік Мейрамбекұлы және «Алаш айнасы» газетінің ұжымы!

Алаштың үніне айналған ба­сылымның 1000-шы нө­мі­рі жарыққа шығатын ме­рей­тойларыңыз құтты болсын!
Бұл бес жыл көлемінде газет қазақ баспасөзіне жаңа серпін, тың ой, айрықша жаңалықтарын ала кел­ді. Алаш азаматының бойында елдік, мемлекетшілдік қа­сиеттерін нығайтатын баста­маларымен ерек­шеленеді.
Еліміздің игілігі үшін аса маңызды ақпараттарды жедел түрде жеткізуімен, бәсекеге қабілеттілігімен оқырманның таңдауына ие болды.
Сіз бен ұжымды осы бір мерекелік сәтпен құттықтай отырып, өздеріңізге құт-береке, кәсіби жетістіктер, алдағы мыңдаған нөмірлерді шығаратындай шабыт және тұрақты оқырмандарыңыздың арта беруіне тілектеспін!
Қ. Н. КЕЛІМБЕТОВ, ҚР Премьер-министрінің орынбасары