Оқиға

Алматыда жолға таласқан жүргізушілер жанжалдасты

  • Видеодан кадр

    Видеодан кадр

Алматыда жолға таласып қалған екі жүргізуші көпшілік көзінше жанжалдасты. Оқиға кезінде жүргізушілердің бірі бұрыш баллонын қолданған, - деп хабарлайды Tengrinews.kz тілшісі.

 

Жанжалға Анна Димитриевич пен Олег Чернов куә болды. Олардың айтуынша, оқиға 17 қаңтарда түстен кейін Желтоқсан мен Бөгенбай батыр көшелерінің қиылысында болған.

 

"Volkswagen Amarok жүргізушісі көзашытқыш баллонды екіншісіне шашып жіберді. Сұйықтық өте қатты шашылды. Тіпті көліктің әйнегінде тамшылары көрініп тұрды. Кейін ештеңе болмағандай кетіп қалды, екінші жігіт көліктен әрең шықты", - деді Димитриевич.

 

"Ештеңе көрмегеннен жігіт жолға шығып кетті. Мен оны жол шетіне сүйреп шығырдым. Олег кафеден су, сосын сүт алып келді. Ол көз ашығанын басады. Қолымыздан келгенінше көмектестік. Жүргізуші жігіт қатты қиналғаннан қызарып кетті, көзі көрмей тұрғанын айтты", - деп қосты куәгер.

 

Оқиға орнында болған тағы бір қыз полицейлер мен жедел жәрдем 15 минут ішінде келгенін атап өтті.

 

"Түсініксіз жайт. Amarok жүргізушісі полиция қызметкерлеріне бұрыш баллонын шашқан қарттың видеосынан сабақ алмаған сияқты. Ол бөтен адамның денсаулығына зиян келтірді. Бұдан кейін ол жігіттің көзіне зақым келуі, тіпті қабағы күйіп қалуы да мүмкін. Кейінірек ол маған қоңырау шалып, қабағын екінші дәрежелі күйік шалғанын айтты. Amarok жүргізушісі тиісті жазасын алады деп үміттенемін. Есен Ысқақов (Алматы аудандық полиция басқармасының бастығы), бұл сіздің ауданыңызда болды, кінәлі азамат тиісті жазасын алады деп үміттенемін", - деп жазды Анна Димитриевич өзінің Facebook-парақшасында.

 

 

Кейінірек Алматы полиция департаменті оқиғаның жай-жапсарын айтты. Тәртіп сақшыларының айтуынша, Қылмыстық кодекстің 293-бабы бойынша сотқа дейінгі тергеу амалдары жүргізіліп жатыр.

 

"Күдікті анықталып, қылмыстық жауапкершілікке тартылды. Бұл қылмыс екі жүргізушінің арасындағы қақтығыстың салдарынан болған. Қазіргі уақытта тергеу шаралары жүргізіліп жатыр, оның нәтижелері бойынша соңғы процессуалдық шешім қабылданады", - деп атап өтті баспасөз қызметі.

 

Еске салайық, бұған дейін егде жастағы алматылық тұрғын үйінің алдында полиция қызметкерлеріне көзашытқыш баллонмен шабуылдаған. Құқық қорғау органдары оның бес жасар немересін алып, анасына тапсыру үшін барған. Бұл әрекеті үшін 67 жастағы зейнеткерге қатысты қылмыстық іс қозғалды.

 

 




Көрілген: 493    Пікірлер: 0

дүйсенбі, 18.01.2021, 18:40

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    наурыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31