Болат Нұретдинұлы Жұмаділов

21 сәуір 2014, 17:48

Болат Нұретдинұлы Жұмаділов 1973 жылы 22 сәуірде Жамбыл облысы Байзақ ауданы Жетібай ауылында дүниеге келген. Боксшы, Қазақстанның еңбек сіңірген спорт шебері (1995), Қазақстанның еңбек сіңірген қайраткері (2000), әуесқой бокстан әлес чемпионы (1999), Олимпиада ойындарының екі дүркін күміс жүлдегері (1996,2000).
Бокспен 12 жасынан бастап айналысқан. 1990 – 1997 жылдары аралығында Қазақстанның, ТМД елдерінің (1992) чемпионы. Алғашқы жаттықтырушысы Ф.Цой болды (Тараз қаласы). Орталық Азия ойындарының (1995, 1997), ІІ Шығыс Азия ойындарының (1997, Пусан, Корея) чемпионы. Дүние жүзі чемпионаттарының (1995 жылы, Берлин, Германия, 1997 жылы, Будапешт, Венгрия) қола жүлдегері. ХХVI Олимпиада ойындарының (1996, Атланта, АҚШ) күміс және Дүние жүзі чемпионатының (1999, Хьюстон, АҚШ) алтын, ХХVII Олимпиада ойындарының (2000, Сидней, Австралия) күміс жүлдегері. «Құрмет» орденімен марапатталған.