Саяси сахна

Мемлекет басшысы Жамбыл облысының әкімі Бердібек Сапарбаевты қабылдады

  • © akorda.kz/

    © akorda.kz/

Қасым-Жомарт Тоқаевқа өңірдің биылғы төрт айдағы даму қорытындылары мен Президент тапсырмаларының орындалу барысы, сондай-ақ, Жамбыл облысында жүзеге асырылып жатқан жобалар мен Қордай ауданындағы ахуал жөнінде баяндалды.

 

Бердібек Сапарбаев қаңтар-сәуір айларында Жамбыл облысының өнеркәсіп көрсеткіші 107,1 пайызға, ауыл шаруашылығы 103,2 пайызға, құрылыс 110,3 пайызға артып, өңірге құйылған инвестиция 75,2 миллиард теңгеге жеткенін айтты. Сонымен қатар былтыр облыста 768 мың гектар жерге егін егілсе, биыл егістік алқап 46 мың гектарға ұлғайған.

 

Облыстағы эпидемиологиялық жағдай да сөз болды. Жалпы 2580 төсек-орын әзірленген. Медициналық құрал-жабдықтармен қамту тиісті дәрежеде жүргізіліп, дәрілік заттардың жеткілікті қоры қалыптасқан. Жоспар бойынша 582 мың азаматқа вакцина салу керек болса, бүгінде 100 мың адамға екпе егілген.

 

Аймақта Президент тапсырмасына сәйкес өзге ұлт өкілдері тығыз шоғырланған 25 елді мекеннің этно картасы жасақталған. Мемлекет басшысына Қордай ауданындағы ахуал жөнінде баяндалды. Облыс әкімінің айтуынша, аудандағы жағдай тұрақты. Былтыр тұрғын үй, жол құрылысы, білім беру, медицина, мәдениет және спорт  салалары бойынша жалпы құны 35,1 миллиард теңге болатын 392 жоба іске асырылған. Барлық зардап шеккен нысандар мен тұрғын үйлер толығымен қалпына келтірілген.

 

Гвардейск ауылындағы Биологиялық қауіпсіздік проблемалары жөніндегі ғылыми-зерттеу институтының базасында отандық иммундық препараттар шығаратын зауыттың құрылыс-монтаж жұмыстары аяқталып, тиісті қондырғыларды орнату жұмыстары жүргізілуде. Зауыттың сынамалық қосылуы маусым айына белгіленген.

 

Мемлекет басшысы облыстағы эпидемиялық ахуалды бақылауда ұстау, инвестиция тарту және мемлекеттік бағдарламаларды тиімді жүзеге асыру жұмыстарын жандандыру жөнінде тапсырма берді.

 

 

 

 akorda.kz




Көрілген: 765    Пікірлер: 0

дүйсенбі, 24.05.2021, 22:47

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31