Саяси сахна

Тоқаев жарлыққа қол қойды: кімдердің кредиті өтеледі

  • © Sputnik / Владислав Воднев

    © Sputnik / Владислав Воднев

Мемлекет басшысы Қасым-Жомарт Тоқаев Қазақстан Республикасы азаматтарының борыш жүктемесін азайту шаралары туралы жарлыққа қол қойды, деп хабарлайды Ақорданың баспасөз қызметі.


"Өмірлік қиын жағдайда қалған Қазақстан Республикасы азаматтарының борыш жүктемесін азайту жөнінде уақтылы көмек көрсету мақсатында қаулы етемін:


1. Қазақстан Республикасының Үкіметі екінші деңгейдегі банктердегі және микроқаржы ұйымдарындағы кепілсіз тұтынушылық қарыздары бойынша мынадай жағдайларда:


1) аталған қарыздар бойынша борышкерлер көпбалалы отбасылар, асыраушысынан айрылу жағдайына байланысты төлем алатын отбасылар, мүгедек балалары бар, 18 жастан асқан, бала жасынан мүгедектер бар отбасылар, атаулы мемлекеттік әлеуметтік көмек алатындар, жетім балалар, ата-анасынан кәмелеттік жасқа дейін айырылған, жиырма тоғыз жасқа толмаған, ата-ананың қамқорлығынсыз қалған балалар;


2) қарыз бойынша жалпы берешегі 2019 жылғы 1 маусымдағы жағдай бойынша 3 000 000 (үш миллион) теңгеден аспайтын болса;


3) бір қарыз алушыға 2019 жылғы 1 маусымдағы жағдай бойынша негізгі борышы мен оған есептелген сыйақыдан тұратын өтелетін берешегінің мөлшері 300 000 (үш жүз мың) теңгеден аспайтын болса, оларды өтеу бойынша біржолғы тәртіпте шаралар қабылдасын", - деп жазылған жарлықта.


Жарлықтың орындалуын бақылау президент әкімшілігіне жүктелді.


Кімнің қарызы өтеледі?


Бұл көмекті алу үшін жалпы кредиттің сомасы 1 маусымдағы жағдай бойынша 3 миллион теңгеден аспауы керек. Осы санаттағы азаматтардың 300 мың теңгеге дейінгі берешегі өтеледі.


"Қарыз алушылардың 55 пайызы, яғни 250 мың адам үшін олардың кредиті негізгі берешегі мен сыйақысын қоса алғанда толық өтеледі деген сөз. Ал басқа азаматтардың қарызының бір бөлігі 300 мың теңге көлемінде өтеледі. Бұл олар үшін айтарлықтай көмек болады", - деп түсіндірді Тоқаев БАҚ өкілдерімен өткен кездесуде.


Sputnik


 




Көрілген: 1566    Пікірлер: 0

сәрсенбі, 26.06.2019, 17:01

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31