Саяси сахна

Түркия президенті Ердоған Таулы Қарабаққа барды

  • https://www.azattyq.org/

    https://www.azattyq.org/

Түркия президенті Режеп Тайып Ердоған Әзербайжанға сапары барысында Таулы Қарабаққа барды. 30 жылдай армяндардың бақылауында болған бұл аймақ былтырғы қақтығыстан соң Әзербайжан бақылауына өткен еді.

 

Ердоған Брюссельдегі НАТО саммитіне қатысқан соң Физулиге келді. Бұл былтыр күздегі қақтығыс кезінде Әзербайжан әскері бірінші болып бақылауға алған аумақ. Мұнда Ердоғанды Әзербайжан президенті Ильхам Әлиев күтіп алды.

 

Одан кейін Ердоған мен Әлиев Таулы Қарабақтағы Шуша қаласына аттанды. Әлиев күздегі қақтығыстан соң Қарабаққа бірнеше рет барған. Ал Ердоған бұл аймаққа алғаш рет келіп отыр.

 

16 маусымда екеуі Бакуде өтетін Еуропа чемпионаты аясындағы Түркия-Уэльс футбол матчын тамашалайды.

 

Түркия Таулы Қарабақ үшін соғыста Бакуді ашық қолдап, Әзербайжанды қару-жарақпен қамтамасыз еткен. Күздегі жанжал кезінде Түркияда құрастырылған әскери дрондар шешуші рөл атқарған.

 

2020 жылы күздегі қақтығыстан соң Таулы Қарабақтың басым бөлігі Әзербайжанға қайтарылған. Аймақ астанасы Степанакерт пен бірнеше аудан армяндардың бақылауында қалған. Екі аймақ түйіскен тұсқа Ресейдің бітімгер әскері орналастырылды.

 

Ердоған Брюссельдегі НАТО саммитінде АҚШ президенті Джо Байденмен жолықты. Кездесуден соң екеуі Вашингтон мен Анкара арасында шешілмеген мәселе жоқ деп мәлімдеді.

 

 

azattyq.org




Көрілген: 511    Пікірлер: 0

сәрсенбі, 16.06.2021, 10:30

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31