Рухани жаңғыру

«Аруақ» фильмі 71-ші Канн кинофестивалінде ашылған Қазақстанның ұлттық павильонында таныстырылды

  • «Аруақ» фильмі 71-ші Канн кинофестивалінде ашылған Қазақстанның ұлттық павильонында таныстырылды

    «Аруақ» фильмі 71-ші Канн кинофестивалінде ашылған Қазақстанның ұлттық павильонында таныстырылды

ҚР Мәдениет және спорт министрлігінің тапсырысы бойынша Ш.Айманов атындағы «Қазақфильм» киностудиясы түсірген «Аруақ» фильмі 71-ші Канн кинофестивалінде ашылған Қазақстанның ұлттық павильонында таныстырылды және халықаралық кинофестивальдердің іріктеушілері мен дистрибуторларының қызығушылығын тудырды, - деп хабарлайды Алаш айнасы киностудияның баспасөз қызметіне сілтеме жасап.


- Мен павильонға қойылған қазақстандық кинотуындылардан ерекше әсер алдым. Әсіресе қария мен жетім бала туралы баяндайтын «Аруақ» фильмін атап өткім келеді. Қазір біз қазақ әріптестерімізбен аталмыш фильмнің Италиядағы дистрибутциясы жөнінде келіссөздер жүргізіп жатырмыз, - деді италиялық кинопродюсер Флавио Донини.


Режиссер Қуат Ахметовтың «Аруақ» фильмі тағдырдың жазумен ұшырасқан қарт Ағатай мен жетім бала туралы баяндайды.


- Идея авторы Асанәлі Әшімов. Ол 2014 жылы маған елден шалғай тұратын жалғыз басты қарт туралы фильм түсіруді ұсынды. Асанәлі ағаның ойы бойынша қария – дала философы, түрлі ғылымға қызығатын адам, - деді фильмнің режиссері Қуат Ахметов.



Фильм былтыр өндіріске жіберіліп, биыл көктемде аяқталған болатын. Түсірілімдер Алматы облысында, Іле өзені жағалауында өткен. Фильмнің сценарийін түркі елдерінің ертегілері мен аңыз-әңгімелері желісі бойынша Қуат Ахметов пен Одильша Агишев жазып шыққан.


ҚР Мәдениет және спорт министрлігінің қолдауымен осымен екінші рет ашылып отырған Канн кинофестиваліндегі Қазақстанның ұлттық павильоны отандық фильмдерді насихаттауға оңтайлы алаң болып табылады.

Биыл павильондағы таныстырылымда «Қазақфильм» киностудиясы түсірген Джефф Веспаның «Әміре», Болат Қалымбетовтың «Талан» және басқа да жобалары презентацияланған.



«Аруақ» фильмі жайлы қысқаша айтар болсақ, басты кейіпкер Ағатай есімді қарттың ешкімі жоқ. Сүйген жары қайтыс болған. Араларында балалары болмаған. Ағайын-туысқандары да қалмаған. Фильмге өз ортасынан безіп, далаға барып тұруды көздеген қарт кісінің өмірі арқау болған. Әйтсе де данагөй, пәлсапашының жолында балалар үйінен қашып шыққан Бөбек деген кішкентай, елгезек бала кезігіп, оның бастапқы жоспарын бұзып кетеді.




Көрілген: 5156    Пікірлер: 0

жексенбі, 20.05.2018, 13:35

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30