Денсаулық

Коронавирус зертханадан тараған ба – ДДҰ басшысының жауабы

  • https://vlast.kz/

    https://vlast.kz/

Дүниежүзілік денсаулық сақтау ұйымының (ДДСҰ) бас директоры Тедрос Адхан Гебрейесус Ұлыбританияда өтіп жатқан G7 саммитінде SARS-CoV-2 зертханадан шығуы мүмкін екенін айтты. Ол сондай-ақ ДДСҰ тексерудің екінші кезеңіне дайындалып жатқанын мәлімдеді.

 

Саммитте сөйлеген сөзінде Гебрейесус COVID-19-дың шығу тегін анықтаудың бастапқы кезеңінде ресми Пекин сарапшылармен белсенді ынтымақтастық жасамағанын, бұл процесстің ашықтығына әсер еткенін атап өтті, деп хабарлайды РИА Новости.

 

ДДСҰ басшысы тергеу барысында әлемдегі кемінде 3 750 000 адам өмірін қиған вирустың шығу тегі туралы әр гипотезаны мұқият зерттеу маңызды екенін баса айтты.

 

"Менің ойымша, адамдар бұл вирустың қайдан шыққанын білуі керек. Бұл болашақта пандемияның қайталануына жол бермеу үшін қажет", - деді Гебрейесус.

 

Бұған дейін SARS-CoV-2-де табиғи коронавируста жоқ генетикалық із бар деп доктор Стивен Куэй мен Берклидегі Калифорния университетінің бірнеше профессоры айтқан болатын.

 

Олар жаңа коронавирусты зерттеу кезінде анықталған CGG-CGG тіркесіміндегі геномдардың реттілігін ғалымдар зертханаларда вирустардың жұқпалығын және өлім деңгейін күшейту үшін жиі қолданатынын айтты. Бұл олардың айтуынша вирустың жасанды екенін көрсетеді.

 

Бұдан бұрын АҚШ мемлекеттік хатшысы Майк Помпео қытайлық вирусологтар азаматтық зерттеулермен қатар әскери талдаулар да жүргізгені туралы мәлімдеме жасады. Ол сондай-ақ Ухань зертханасындағы ғалымдар пандемияға дейін ауырғанын бірнеше рет айтты. Американдық барлау қызметінде дәлел де бар көрінеді.

 

Наурызда дүниежүзілік денсаулық сақтау ұйымы вирустың шығу тегін анықтау үшін Қытайдың Ухань қаласына барған халықаралық сарапшылар тобының толық есебін жариялады. Мамандар COVID-19-дың зертханадан шығу ықтималдығы екіталай екенін айтты. Алайда, Америка Құрама Штаттары және тағы 13 мемлекет бұл тұжырымдармен келіспей, жаңа тергеу жүргізуге шақырды.

 

 

 

sputnik.kz




Көрілген: 1611    Пікірлер: 0

жексенбі, 13.06.2021, 18:58

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31