Еуроодақ сапарға қауіпті елдердің картасын жариялады

18 қазан 2021, 01:44

Аурулардың алдын алу және бақылау жөніндегі ууропалық орталық (ECDC) коронавирус жұқтырғандар саны артып келе жатқан бірқатар елді саяхат үшін қауіпті деп таныды, - деп хабарлайды Kaz.tengritravel.kz тілшісі.

ECDC туристер үшін ең қауіпті деп танылған аудандардың картасын жариялады. Қауіпті елдердің қатарында Германия, Эстония, Латвия, Литва және Румыния бар.

 
SchengenVisaInfo мәліметінше, бұл елдерде коронавирус инфекциясын жұқтырған жағдайлардың саны артып келеді. Дегенмен, аталған елдер қазақстандықтарды туристік мақсатта өз аумағына әлі жібермейді. Елдер Қазақста Республикасы азаматтарының жекелеген санаттарына ғана виза береді.