Шартарап

Митинг кезінде әйел адамды тепкен сарбаз кешірім сұрады

  • Митинг кезінде әйел адамды тепкен сарбаз кешірім сұрады

    Митинг кезінде әйел адамды тепкен сарбаз кешірім сұрады

Навальныйды қолдау акциясы кезінде Петербург қаласының 54 жастағы тұрғыны Маргарита Юдинаның ішінен тепкен ерекше мақсаттағы милиция жасағының сарбазы кешірім сұрап, ауруханаға бір шоқ гүлімен келді. Видеоны Mash Telegram-арнасы жариялады, - деп хабарлайды Tengrinews.kz тілшісі.

Әйел адам үш сарбаз митингіге шыққан адамды ұстап, алып бара жатқан кезде оны не үшін ұстағандарын білмек болған кезде соққыға жығылған. Сарбаз Маргарита Юдинаның ішінен тепкен, артынша әйел адам басымен асфальтқа соғылған.   

Палатаға келген сарбаз өз әрекетін түсіндірген. 

"Сізден кешірім сұрағым келеді, өте ауыр күн болды және фактілерді енгізу... Оқиға болардан бес минут бұрын маған газ шашып жіберді, көз алдым тұмша болып, не болып жатқанын көре алмадым. Рас айтамын, мен үшін бұл таңғаларлық жайт. Не болғанын естіген кезімде, мен үшін ол үлкен трагедия болды", - деді сарбаз. 

Видеода полицейдің қалқаны ашық болғанын көруге болады. 

"Ол енді адреналин ғой. Уайымдамаңыз. Бәрі тірі, қандай әдемі гүлдер, бақытгүлі. Жарайды, ештеңе етпейді", - дейді жәбірленуші әйел адам. 
24 қаңтарда күндізгі уақытта РИА Новости Маргарита Юдинаның жағдайы нашар екенін хабарлаған болатын. Алайда астана уақыты бойынша сағат 21.30-да ол ауруханадан шыққан. Санкт-Петербургтегі қоғамдық тәртіпті қорғауды ұйымдастыру және атқарушы органдармен өзара іс-қимыл бөлімінің бастығы Сергей Музыка да әйел адамнан кешірім сұрады.




Көрілген: 418    Пікірлер: 0

дүйсенбі, 25.01.2021, 11:26

Достарыңмен бөліс:

  • СОҢҒЫ ЖАРИЯЛАНЫМДАР:
    25 Ақпан, 23:48
    Жер сілкінді

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    наурыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31