Мәселе

Бас прокуратура коллекторлар мен сот орындаушыларының заңсыз схемаларын анықтады

  • https://www.nege.kz/

    https://www.nege.kz/

Қазақстанның Бас прокуратурасы азаматтардың шағымдарынан кейін коллекторлар мен жеке сот орындаушыларының қызметіне тексеру жүргізді. Қадағалаушы орган олардың қызметіндегі заң бұзушылықтарды анықтады деп хабарлайды KAZ.NUR.KZ Бас прокуратураның баспасөз қызметіне сілтеме жасап.

 

Азаматтардың өтініштері жиілеуіне байланысты, прокуратура органдары жеке сот орындаушыларының қызметіне тексеру жүргізді, сондай-ақ коллекторлардың қызметіне талдау жасады.

 

Тексеру және талдау нәтижелері бойынша коллекторлық агенттіктердің ЖСО-мен бірлесіп борыштарды заңсыз өндіріп алу схемасы болғаны анықталды. Коллекторлар өздерінің үлестес тұлғаларына жеке сот орындаушыларының лицензиясын алып отырған. Нәтижесінде олар арқылы берешекті өндіріп алу үшін ЖСО ақпараттық базасына (атқарушылық іс жүргізу органдарының автоматтандырылған ақпараттық жүйесіне) және шектеусіз құқықтық тетіктерге (мүлікке тыйым салу және сату, шығуға шектеу қою, банктік шоттарға қол жеткізу және басқалары) қол жеткізген.

 

Сонымен қатар, сот орындаушыларының базасы мемлекеттік ақпараттық жүйе болып табылады, онда ЖСО барлық атқарушылық әрекеттерді жасайды. Онда тараптардың жеке деректері бар, оған бөгде адамдардың кіруіне тыйым салынған.

 

Тек Алматы қаласында "өздерінің" ЖСО ЭЦҚ кілттерін пайдалана отырып, коллекторлар сот орындаушылар базасына 200 мыңнан астам рет кіріп, онда борышкерлер туралы мәліметтер жинаған. Мұндай әдістерді Алматы қаласының 35 коллекторлық агенттігі қолданған. ЖСО-ға берілген айрықша құқықтарды пайдалану мүмкіндігін бергені үшін жосықсыз сот орындаушылары ай сайын 250-300 мың теңге көлемінде сыйақы алып отырған.

 

Тексеру қорытындысына сәйкес6 Бас прокуратураның ұсынысы бойынша Республикалық ЖСО палатасынан 18 сот орындаушысы шығарылды. Аталған саннан 2 ЖСО лицензиялары күшін жойды, ал 1 лицензия тоқтатылды, қалғандары бойынша талап қою жұмыстары жалғасуда.

 

Жүйелік әкімші олардың АІО ААЖ ақпараттық базасына кіруін бұғаттады.

 




Көрілген: 386    Пікірлер: 0

жұма, 18.09.2020, 13:57

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31