Мәселе

Интернатта төсекке таңылған қариялардың зейнетақысы ұрланған

  • Фотоколлаж: KAZ.NUR.KZ

    Фотоколлаж: KAZ.NUR.KZ

Ақтөбеде қарттар мен мүгедектер үйінде тұратын ардагерлердің зейнетақысы ұрланған. Орталықтың әлеуметтік қызметкері зейнеткерлердің ақшасын алуы мүмкін деген күдікке ілінді деп хабарлайды өңірдегі KAZ.NUR.KZ тілшісі.


Қарттар үйіндегі былықты прокурорлық тексеріс ашқан. Қазір күдікке ілінген маман қызметтен шеттетілді.


«Ол әлеуметтік қызметкер бізде 2011 жылдан бері жұмыс жасайды. Тексеріс жүріп жатқандықтан бұл жағдайға біз пікір білдіре алмаймыз. Дегенмен, ол маман уақытша жұмысынан шеттетілді.

Қарттарымыздың көпшілігі зейнетақысын іштегі банкомат арқылы алады. Пошта қызметі арқылы алатындар да бар.


Өздігінен жүре алмайтындарға әлеуметтік қызметкер бекітілген. Мекедеде алты әлеуметтік қызметкер бар», - дейді директордың әлеуметтік жұмысы жөніндегі орынбасары Сән Нұрышева.


Ақтөбедегі интернатта төсекке таңылған қариялардың зейнетақысы қолды болды


Ақшасынан қағылған жәбірленушілердің бірі - Анатолий Кузубов. Қария әлеуметтік орталықтың байырғы тұрғындарының қатарында екен.


«Зейнетақымды алуға интернаттың әлеуметтік қызметкерлері көмектеседі. Банк картамның пайдалану мерзімі бітуге таяғанда алмастыруға алып кетті.

Әкелген кезде құпия сан жазылған қағаз да ашық болды. Кейін покуратурадан келген адамдар менің зейнетақы алатын картамды суретке түсірді», - дейді интернат тұрғыны Анатолий Кузубов.


Ақтөбедегі интернатта төсекке таңылған қариялардың зейнетақысы қолды болды

Анатолий Кузубов. Фото: KAZ.NUR.KZ


Оқиғаның болғанын растаған прокурорлар әлеуметтік қызметкерге қатысты сотқа дейінгі тергеп-тексерудің басталғанын хабарлайды.


«Ақтөбе қаласының Алматы ауданы прокуратурасымен №1 әлеуметтік қызмет көрсету орталығына» тексеру жүргізіліп, нәтижесінде бірқатар заң бұзушылықтар анықталған. Тексеру қорытындысы бойынша материалдар жинақталып, сотқа дейінгі тергеп-тексеру басталды. Осыған байланысты нәтижесі қосымша хабарланады», - дейді облыстық прокуратураның баспасөз қызметі.

Айта кетерлігі, әлеуметтік орталықта 223 адам тұрып жатыр. Оның 96 -сы І және ІІ топ мүгедегі. Олардың ең жасы 30-дан асса, үлкені 96 жастағы тыл ардагері.


Ақтөбедегі интернатта төсекке таңылған қариялардың зейнетақысы қолды болды


Көпшілігі мемлекеттен жәрдемақы мен зейнетақы алады. Әлі келгендер ақшаны банкоматтан өздері аласа, шамасы жетпейтіндерге әлеуметтік қызметкерлер көмектеседі екен. Бүгінгі жағдайда қанша ардагердің зардап шеккені белгісіз.

 




Көрілген: 477    Пікірлер: 0

сәрсенбі, 20.11.2019, 10:15

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31