Мәселе

Қорғаныс министрі арыстықтарға үндеу жасады

  • © REUTERS

    © REUTERS

Қорғаныс министрі Нұрлан Ермекбаев Арыс қаласының тұрғындарынан әзірге үйлеріне оралмауды сұрады, деп хабарлайды Sputnik Қазақстан тілшісі.


Ермекбаев жарылыс болған арсеналда қуатты және қауіпті авиациялық оқ-дәрілер мен бомбалар сақталмағанын атап өтті. Барлық оқ-дәрі жарылу қаупі ескеріле отырып орналастырылған.


"Негізгі жарылыс толқыны далаға бағытталды. Қалған бөлігі елді мекендерге келді", - деді министр арнайы брифингте.


Ол арсеналда ешқандай радиоактивті оқ-дәрі мен радиоактивті снарядтар сақталмағанын айтты.


"Ешқандай радиация қаупі төніп тұрған жоқ", - деді Ермекбаев.


Осы орайда министр Арыс қаласының тұрғындарына үндеу жасады.


"Қауіпсіздік мақсатында рұқсат етілмегенге дейін Арысқа қайтпаңыздар. Арыс қаласының көшелері мен жолдарында жарылмаған оқ-дәрі болуы мүмкін. Қазір саперлер тобы тазалау жұмыстарын бастады. Бұл жұмыс аяқтала салысымен, тұрғындарға үйлеріне оралуға рұқсат етіледі", - деді ол.


Ермекбаев арыстықтарды үйлеріндегі мал-мүлікке алаңдамауға шақырды.


"Қазір барлық үй полицияның бақылауында, сондықтан дүние-мүлікке алаңдамасаңыздар болады. Ешқандай тонау, ұрлау болмайды. Әскери қалашықтар мен арсенал да әскери қызметшілердің бақылауында", - деді ол.


Арыстағы жарылыс


24 маусым күні сағат 9.30 кезінде Түркістан облысының Арыс қаласындағы әскери бөлім аумағында өрт шығып, оқ-дәрілер жарылды. Салдарынан бір адам қаза тауып, отыздан астамы жарақат алған.


Арыс қаласында 45 мыңға жуық халық тұрады. Әскери бөлімдегі жарылыстан кейін Түркістан облысында төтенше жағдай жарияланды.


Арыс қаласындағы жарылыстан кейін қару, басқаларға қауіп тудыратын заттар мен нәрселерді сақтау ережесін бұзу бабы бойынша қылмыстық іс қозғалды. Ішкі істер органдары жағдайды өз бақылауына алды.


 




Көрілген: 743    Пікірлер: 0

дүйсенбі, 24.06.2019, 22:26

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31