Мәселе

Маңғыстау тұрғыны полицейлер соққысынан соң бүйрегінен айырылғанын айтты (видео)

  • Видеодан кадрлар: Lada.kz

    Видеодан кадрлар: Lada.kz

Жаңа жыл түні әлеуметтік желіде аурухана төсегінде жатқан азаматтың видеосы пайда болды. Жас жігіт мұндай жағдайға душар болуына тәртіп сақшылары кінәлі екенін айтады. Науқастың сөзінше, ол полицейлер соққысынан ауыр жарақаттанып, бүйрегін алдырып тастауға мәжбүр болған деп хабарлайды KAZ.NUR.KZ.

Видеода Ерасыл есімді жас жігіт өңір басшысынан аталған жағдайды реттеуді өтінді. Жәбірленуші полиция қызметкерлерінің қолынан ауыр жарақат алғанын мәлімдеді деп хабарлайды Lada.kz.

Облыстық полиция департаменті жас жігіттің видеоүндеуіне қатысты жауап берді. Құқық қорғау органдары қызметкерлерінің ақпараты бойынша, Маңғыстау тұрғыны мен тағы бір күдікті "Мал ұрлау" бабы бойынша ұсталған. Олар Мұнайлы ауданында құрыққа ілінген.

Сонымен қатар, полиция департаменті Ерасылдың мал ұрлағанына қатысты дәлелдер бар екенін атап өтті. Мәселен, күдіктінің көлігін мал ұрламақ болып жатқанда жайылым иесі байқап қойған екен.

Азамат жігіттерді өзі тоқтатпақ болғанымен, қолынан келмеген. Сондықтан, ол достары мен учаскелік полицейден көмек сұраған. Күдіктілерді қолға түсіруге зардап шеккен азаматтың достары да, полицейлер де қатысқан.

Сондай-ақ, күдіктілерді ұстауға жол-патрульдік полициясы қызметкерлері де атсалысып, жол бөгеп тұрған.

Жас жігітерді құқық қорғау органдары қызметкерлері мен үш азамат Басқұдық ауылы аумағында қолға түсірген.

Тәртіп сақшыларының мәліметіне сәйкес, жас жігітке зардап шеккен жайылым иесінің досы соққы жұмсаған. Екінші күдікті жасырынғысы келгенімен, ол ойы жүзеге аспапты. Ұсталған соң екі азамат та Аудандық ішкі істер бөліміне жеткізілген.

ПД баспасөз қызметінде мәлімдегендей, қолға түскен соң Ерасыл ауырып жүргенін, бірақ ол гастрит болуы мүмкін екенін айтқан. Артынша дәрігерлер шақыртылып, ауруханаға жөнелту жөнінде шешім қабылданған.

Полицияда ұсталған азаматты ешкім ұрмағанын айтып сендірді. Мұны бөлімшеде орнатылған бейнебақылау камералары арқылы тексеруге болады.

Бірақ, тергеу жұмысы басталып кетті. Аталған істе Ерасылға соққы жұмсаған азамат күдікті болып отыр. Ол соққыға қатысы бар екенін де мойындады.

 




Көрілген: 376    Пікірлер: 0

жексенбі, 05.01.2020, 11:07

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    ақпан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29