Мәселе

"Студенттерді мәжбүрлеген": желіде тараған ақпаратқа түсініктеме берілді

  • "Студенттерді мәжбүрлеген": желіде тараған ақпаратқа түсініктеме берілді

Қауесет таратушылардың айтуынша, студенттерге қытайлық вакцинаға қазақстандық препараттың стикерлерін жапсыру тапсырылған

WhatsApp мессенджерінде медициналық оқу орындарының студенттерін сабақ уақытында вакцина құтыларының жапсырмаларын ауыстыруға мәжбүрлейтіні туралы хабарлама тарады. Қазақстанның денсаулық сақтау министрлігі бұл қауесетті жоққа шығарды, деп хабарлайды stopfake.kz.

Мессенджерде тараған ақпаратта студенттерге шетелдік препаратты отандық өнім ретінде ұсыну үшін қытайлық вакцинаның стикерлерін QazVac стикерлеріне ауыстыру тапсырылғаны айтылған. Алайда министрлік мұның жалған екенін айтты.

Ведомство ақпаратынша, 30 сәуірде Қазақстанға "Hayat-Vax" вакцинасының 400 мың қаптамасы жеткізілді. Бұл препарат Қытайда жасалған және Біріккен Араб Әмірліктерінде өндірілген. Жеткізу кезінде барлық нұсқау мен белгілер араб және ағылшын тілдерінде болған. Ал "Халық денсаулығы және денсаулық сақтау жүйесі туралы" кодекстің 242-бабына сәйкес, Қазақстанда барлық дәрі-дәрмектің қаптамасы қазақ және орыс тілдерінде жақсы оқылатын қаріппен басылып, таңбалануға тиіс.

Қажетті белгілерді қоюға және нұсқаулығы бар парақтарды буып-түюге ерікті студенттер көмектесті.

"Стикерлеу бірыңғай дистрибьютордың Алматы, Нұр-Сұлтан, Ақтөбе, Шымкент қалаларындағы хабтарында жүргізілді. Әр қоймада 20-40 қызметкер жұмыс істеді. Жұмысты тездету үшін еріктілер шақырылды, оның ішінде Нұр-Сұлтанда – 2 адам, Алматыда – 5 адам, Ақтөбеде – 10 адам. Қоймаға кірмес бұрын олар ережемен танысып, қауіпсіздік техникасы бойынша нұсқаулық берілді. Тапсырма түсіндірілді: стикерлер мен аннотацияларды дайындау және буып-түю, содан кейін – стикерді қаптамаға жабыстыру. Олар өз еркімен көмек көрсеткендіктен, қандай да бір келісімдер мен шарттарға қол қою көзделмеген", – деп хабарлады денсаулық сақтау министрлігі.

Яғни, басылымның ақпаратынша, студенттер вакциналарды ауыстырмаған, тек заңмен талап етілген таңбаларды жабыстыруға көмектескен.

Еске салсақ, Қазақстанда жалған ақпарат таратқаны үшін қылмыстық жаза қарастырылған.

sputnik.kz




Көрілген: 2865    Пікірлер: 0

дүйсенбі, 10.05.2021, 01:30

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30