Қарашығанақтағы үлес бойынша келіссөз жүргізіліп жатыр

14 желтоқсан 2011, 11:56

Осы аптаның соңында ел Үкіметі Қарашығанақ мұнай-газ жобасы операторымен аталған жоба үлесінің 10 пайызын өткізіп алу туралы келісімге қол қоюы ықтимал. Бұл туралы өткен апта соңында мұнай және газ министрі Сауат Мыңбаев мәлімдеді.


Егер келіссөз нәтижелі болмай жатқан жағдайда қазақстандық тарап жобаның 5 пайыз үлесін нарық құнымен сатып алады, ал қалған 5 пайызын тегін алады. Келісім­шарт сомасы 700 миллионнан 1 млрд доллар аралығын қамтуы мүмкін. Бүгінгі таң­да Қарашығанақ кен орнының операто­ры BG және Eni (жобада әрқайсысының 32,5 пайыздан үлесі бар), америкалық Chev­ron (20%) және ресейлік «Лукойл» (15%) компаниялары болып табылады. Ka­rachaganak Petroleum Operating B.V. кон­сор­циум мүшелері жобаға Қазақстанның енуі үшін өз үлестерін теңдей жағдайда са­тады.
Жоба акционерлері құрамына «Қаз­Мұ­найГаз» компаниясы енгеннен кейінгі жаңа кен орнын игеруден түсетін табыс қомақты түрде артады. Алайда бұл ретте сарапшылар нақты бір цифрды атай алмай отыр.