Қайран Маман бай, қайдасың?

Маман бай кезінде «Қазақ» газетінің жабылып қалмауы үшін қаржылай қолдау көрсетіпті. Қазақтың тұңғыш романына бәйге жариялапты. Қазақ тіліндегі білімді өрістету үшін Мамания мектебін ашыпты.

Бүгінгі байлардың дүниесі, есепшоттарындағы қаржысы сол Маман байдан жүз, мың, миллион есе көп шығар. Бірақ Маман байдың қазақ газеттерін қолдау жөніндегі үлгісін біреуі де көрсетіп жатқан жоқ.
Республикалық "Егемен Қазақстан" газетінен бастап облыстағы қазақ тілді барлық басылымдардың таралымы жылдан-жылға құлдырап, төмен түсіп барады. Мемлекеттік тілдегі газеттердің таралымын көбейтетін мемлекет жанашырлары ғана. Пейлі мен ниеті басқаларға, әрине, мемлекеттік тілді газеттердің шақпағаны, тұқымы тұздай құрығаны, яғни мемлекеттің сөзін сөйлемегені керек. Мемлекеттің жоғын жоқтайтын, жаманын жасырып, жақсысын асыратын газет оларға керек емес.
Журналистер аудан мен ауыл-аймақты аралап, мемлекеттік газеттерге жазылыңдар деп құлындағы даусы құраққа шығып жүр.
Бірақ мойын бұрып қарайтын, "Халдерің қалай?" деп жағдай сұрап, қарайласатын Маман байлардай көзі ашық, көкірегі ояу маңғаздарды көрмедік.

Көсемәлі Сәттібайұлы
Фейсбуктегі парақшасынан