Астанада төрт көліктің қатысуымен жол апаты болды

24 қаңтар 2023, 16:27

Астанада Қабанбай батыр даңғылының бойында төрт көліктің қатысуымен жол апаты болды, - деп хабарлайды Alashainasy.kz тілшісі Elorda.info-ға сілтеме жасап.

Полиция мәліметінше, оқиға 24 қаңтарда түнгі сағат 2-де болған. Әлеуметтік желіде апаттың видеосы тарады.

 

23 жастағы BMW көлігінің жүргізушісі Қабанбай батыр даңғылымен Ермаков көшесіне қарай келе жатып, рульді басқара алмай, Nissan Cefiro маркалы көлікпен соқтығысуға жол берді. BMW соққының салдарынан қарсы жолаққа шығып, қарсы бағытта келе жатқан Chevrolet Cobalt және Chevrolet Tahoe көліктерімен соқтығысқан, - деп түсіндірді Астана қалалық Полиция департаменті баспасөз қызметінің басшысы Эльмира Шауленова.

 

Chevrolet cobalt жүргізушісі мен екі жолаушы ауруханаға жатқызылды.